රසායන විද්‍යාව, රසායන ඉංජිනේරු ක්‍ෂේත්‍රවල

මැදපෙරදිග මුල්තැනට ඉරානය

වසර 2017 දී ප්‍රකාශයට පත්කරන ලද විද්‍යාත්මක ලිපි සහ ලේඛණ මුල්කරගෙන මැදපෙරදිග කලාපීය රටවල් ශ්‍රේණිගත කිරීමක් මෑතදී සිදුකළා. SCImago Journal & Country Rank [SJR] විසින් කර ඇති සමීක්ෂණය අනුව රසායන විද්‍යාව සහ රසායන ඉංජිනේරු ශාස්ත්‍රය පිලිබඳ අංශයේ මැදපෙරදිග කලාපයේ මුල්තැන ඉරානයට ලබා දී තිබෙනවා.

SJRහි දර්ශකය අනුව මෙම තෝරාගැනීම සිදුකර තිබෙනවා.

ඉහත සඳහන් කාල පර්ච්චේදය තුල රසායන විද්‍යා ක්‍ෂේත්‍රයේ ලිපි 7100ක් ඉරානයේ පළකර තිබෙනවා. රසායන ඉංජිනේරු සම්බන්ධ ලිපි 4649ක්ම ඉරානයේ පළකර තිබෙනවා. මෙමෙ අංශ දෙකේම මුල්තැනට කලාපයේ ඉරානය වැටෙනවා. රසායන විද්‍යාව අංශයේ දෙවැනි ස්ථානයට එන්නේ සවුදි අරාබිය. එහි පළකරනු ලැබූ ලිපි සංඛ්‍යාව 3153ක්. රසායන ඉංජිනේරු අංශයේ කලාපයේ දෙවැනි තැනට තෝරාගෙන තිබෙන්නේ තුර්කිය. එහි එම අංශයේ පළකර ඇති ලිපි සංඛ්‍යාව 1813 යි.

අන්තර්ජාතික මට්ටමේ පෙළ ගැසීමක් කරන SCImago, රසායන ඉංජිනේරු ක්‍ෂේත්‍රයේ ඉරානයට 8 වැනි තැන ද, රසායන විද්‍යාව ක්‍ෂේත්‍රයේ 11 වැනි තැන ද ලබාදී තිබෙනවා.

The SCImago Journal & Country Rank අන්තර්ජාලයේ ප්‍රසිද්ධ පොර්ටල් එකක්. එහි Scopus® database (Elsevier B.V.) ලබාදෙන තොරතුරු පදනම් කරගෙන දියුණු කරන ලද පර්යේෂණ සහ ප්‍රමිතිවල විද්‍යාත්මක දර්ශකයන් අඩංගුයි.  

මෙම දර්ශක උපයෝගී කරගෙන විද්‍යාත්මක අඩවිය තුල විශ්ලේෂණය සහ අගැයීම සිදුකරනු ලබනවා. පර්යේෂණ සඟරා වෙනම සංසන්දනය කිරීම හෝ විමර්ශනය කිරීම සිදු කරනවා. විද්‍යාත්මක ප්‍රකාශන ශ්‍රේණිගත කරන්නේ තේමාව [ප්‍රධාන තේමා 27ක් තිබෙනවා], මාතෘකාව [නිශ්චිත මාතෘකා 313ක් තිබෙනවා] හෝ රට මුල් කරගෙනයි.

ලෝකයේ රටවල් 239 කට අදාල ජාත්‍යන්තර ප්‍රකාශකයින් පන්දහසකට වැඩි ප්‍රමාණයක් වෙතින් ලබා ගත ප්‍රකාශන නම් [title] 34,100ක් නිරීක්ෂණය කිරීමෙන් මෙම දත්ත සකස් කරගෙන තිබෙනවා.

දෘෂ්‍යකරණ තාක්ෂණය ආධාරක මගින් සොයා ගත්, තොරතුරු විශ්ලේෂණය සඳහා කැපවුණු සංචිතයක් SCImago පර්යේෂණය කණ්ඩායමට අයත්වෙනවා. මෙම කණ්ඩායමට පහත සඳහන් ආයතන අඩංගුවෙනවා. 

ISNA